កុំព្យូទ័រ សំរាមនិងការរៀន - សកម្មភាពទំនួលខុសត្រូវសង្គមនៅក្នុងប្រទេសកម្ពុជា
អាជីវកម្មកំពុងរីកដុះដាលនៅក្នុងប្រទេសកម្ពុជា នៅពេលដែលការវិនិយោគផ្ទាល់ពីបរទេសហូរចូលមកក្នុងប្រទេស ការបង្កើតក្តីសុបិន្តដែលមិននឹកស្មានដល់បានកើតឡើងកាលពី ៥ ឆ្នាំមុន។ ប៉ុន្តែខណៈដែលប្រាក់ចំណូលនិងគុណភាពនៃជីវិតកំពុងមានភាពប្រសើរឡើង កង្វះខាតផែនការរយៈពេលវែងនិងកង្វះខាតនៃធនធានបានកំណត់ការអភិវឌ្ឍន៍ជំនាញនៃកម្លាំងពលកម្មនិងកំណើនដែលប្រកបដោយចីរភាព។
ការរីកចម្រើន ប៉ុន្តែនៅក្នុងតម្លៃតបស្នងអ្វី?
ខណៈពេលដែលការកើនឡើងនៃការវិនិយោគដោយផ្ទាល់ពីបរទេស (FDI) បានរួមចំណែកដល់កំណើនសេដ្ឋកិច្ចនិងជួយលើកកម្ពស់ជីវភាពប្រជាជនកម្ពុជារាប់លាននាក់ឲ្យចាកចេញពីភាពក្រីក្រ ប៉ុន្តែការអភិវឌ្ឍន៍ទាំងនេះបាននាំនូវការខូចខាតបរិស្ថាន។
នៅពេលដែលប្រាក់ចំណូលកើនឡើង ការប្រើប្រាស់ទំនិញក៏មានការកើនឡើងដូចគ្នា ប៉ុន្តែហេដ្ឋារចនាសម្ព័ន្ធនៃការគ្រប់គ្រងកាកសំណល់មានកំរិតទាបមានន័យថាកាកសំណល់ដែលមិនបានកែច្នៃរាប់សិបតោនបានចូលទៅក្នុងបរិស្ថានធម្មជាតិ ដែលបង្កឲ្យមានផលវិបាកយ៉ាងធ្ងន់ធ្ងរ។ សហគមន៍ជនបទដែលពឹងផ្អែកលើធនធានធម្មជាតិគឺជាក្រុមមនុស្សដំបូងគេដែលទទួលរងផលប៉ះពាល់ពីកំណើនដែលមានការគ្រប់គ្រងតិចតួចនេះ។
បញ្ហាប្រឈម
ក្រុមហ៊ុនអាចជួយដោះស្រាយបញ្ហាទាំងនេះបានតាមរយៈកម្មវិធីទំនួលខុសត្រូវសង្គមប៉ុន្តែមានបញ្ហាជាច្រើនដែលនឹងត្រូវប្រឈមក្នុងការអនុវត្តកម្មវិធីទំនួលខុសត្រូវសង្គមនេះ រួមមាន៖
កង្វះការផ្តោតលើលទ្ធផល
កង្វះភាពស៊ីចង្វាក់នៃយុទ្ធសាស្រ្តអាជីវកម្ម
កង្វះការប្រមើមើលផែនការអាជីវកម្មជាមុន
លើសពីនេះទៅទៀតខណៈពេលដែលការកើនឡើងនៃការវិនិយោគបានធ្វើឱ្យចល័តភាពនៅក្នុងសង្គមកាន់ប្រសើរឡើង ប៉ុន្តែវាមិនបានជួយអភិវឌ្ឍនូវជំនាញដែលកំពុងតែខ្វះខាតនៅក្នុងកម្លាំងពលកម្មជាតិ ជាពិសេសនៅក្នុងវិស័យវិទ្យាសាស្ត្រ បច្ចេកវិទ្យា វិស្វកម្ម និងគណិតវិទ្យា ឬក៏ហៅកាត់ថា STEM។ បច្ចេកវិទ្យាអាចត្រូវបានប្រើប្រាស់ដើម្បីស្វែងរកដំណោះស្រាយប្រកបដោយភាពច្នៃប្រឌិតចំពោះបញ្ហាបរិស្ថានមួយចំនួននៅក្នុងប្រទេសកម្ពុជា ប៉ុន្តែកង្វះខាតនៃការទទួលបានធនធាននិងចំណេះដឹងនៅតែជាឧបសគ្គដដែល។
និស្សិតនៅប្រទេសកម្ពុជាត្រូវបានកំណត់ដោយធនធាន ហើយជាមួយនឹងឧស្សាហកម្ម ៤.០ ដែលកំពុងរីកចម្រើន និស្សិតត្រូវការចូលរៀនអំពីSTEMឲ្យបានឆាប់រហ័ស។ ប៉ុន្តែនិស្សិតកម្ពុជាភាគច្រើនមិនមានលទ្ធភាពទិញកុំព្យូទ័រយួរដៃថ្មីទេ ហើយវិធីសាស្រ្តបង្រៀនបែបប្រពៃណីនៅតាមវិទ្យាស្ថានអប់រំបានរារាំងការគិតត្រិះរិះ ដែលជាអ្វីដែលSTEMត្រូវការ។
ការប្រឈមនឹងឧបសគ្គ
នេះគឺជាកន្លែងដែលThe Idea អាចជួយបាន។
នៅខែធ្នូ ឆ្នាំ២០១៨ The Idea បានចូលរួមជាមួយរាជរដ្ឋាភិបាលកម្ពុជាដើម្បីគាំទ្រដល់ការជ្រើសរើសអ្នកលក់និងការផ្សព្វផ្សាយការយល់ដឹងអំពីការបោះចោលសំរាមពាសវាលពាសកាលសម្រាប់ព្រឹត្តិការណ៍“វិមានឈ្នះឈ្នះ” ដែលយើងរំពឹងថានឹងមានមនុស្សចំនួន ៥០,០០០ នាក់ចូលរួម។
ដើម្បីសំរេចគោលបំណងនេះ The Idea បានស្វែងរកដៃគូដែលខ្លាំងខាងបច្ចេកវិទ្យានិងយល់ដឹងអំពីតម្លៃនៃការវិនិយោគធនធានមនុស្សសំរាប់អនាគតដ៏ភ្លឺស្វាងរបស់ប្រទេសកម្ពុជា។ យើងបានស្គាល់ពីក្រុមហ៊ុនទីផ្សារឌីជីថល Ardor SEO ដែលកំពុងតែឈានមុខគេក្នុងការវិនិយោគពេលវេលានិងធនធានដល់និស្សិតសាកលវិទ្យាល័យ។ សម្រាប់ Ardor SEO ការបង្ហាញជំនាញនិងឧត្តមភាពខាងក្រមសីលធម៌និងអាកប្បកិរិយាចំពោះនិស្សិតសាកលវិទ្យាល័យបានធ្វើឱ្យវាមានភាពងាយស្រួល ដោយវានឹងជួយសម្រួលដល់ការជ្រើសរើសកម្លាំងពលកម្មនាពេលអនាគតនៅក្នុងវិស័យ STEM ។
ការបរិច្ចាគរបស់Ardor
The Ideaបានទាក់ទងទៅ Ardor សម្រាប់ការបរិច្ចាគបច្ចេកវិទ្យាដោយចាប់ផ្តើមពីកុំព្យូទ័រលើតុចំនួន ៦គ្រឿង ។
ដោយមានការគាំទ្រពី Ardor The Idea បានផ្តល់ការបណ្តុះបណ្តាលដល់និស្សិតសាកលវិទ្យាល័យចំនួន ៣០ នាក់ឲ្យប្រើប្រាស់កុំព្យូទ័រលើតុដែលបានបរិច្ចាគ។ និស្សិតបានរៀនជំនាញស្រាវជ្រាវដោយប្រើប្រាស់កម្មវិធីGSuiteសម្រាប់ជាកម្មវិធីប្រមូលទិន្នន័យ និង CAPI ។
តើសិស្សនិស្សិតបានរៀនពីអ្វីខ្លះ?
វិធីប្រើប្រាស់កម្មវិធី Google ៖ FormsនិងSheets ដើម្បីប្រមូលនិងវិភាគទិន្នន័យ
វិធីអនុវត្ត CAPI តាមរយៈថេបផ្លេតចំនួន៨គ្រឿងពី The Idea និងកុំព្យូទ័រ ៦ គ្រឿងដែលបរិច្ចាគដោយ Ardor SEO
ជំនាញទំនាក់ទំនងនិងការគ្រប់គ្រងទំនាស់ - ពួកគេបានរៀនធ្វើយុទ្ធនាការសម្រាប់ការបែងចែកសំរាមនៅឯព្រឹត្តិការណ៍សាធារណៈមួយ ដោយចូលទៅជិតសាធារណៈជនដើម្បីធ្វើការស្ទង់មតិយោបល់ បន្ទាប់មកបន្តបង្រៀនដល់សាធារណៈជនអំពីការបោះចោលសំរាមពាសវាលពាសកាលនិងការបំបែកសំរាម។
ជំនាញធ្វើការជាក្រុម - និស្សិតត្រូវបានចែកជាក្រុមតូចៗចំនួន ៣ ដើម្បីគ្រប់គ្រងនិងរៀនពីតួនាទីផ្សេងៗគ្នារបស់ក្រុម
វិធីសរសេរនិងវិភាគព័ត៌មាន បង្កើតអនុសាសន៍ និងសរសេររបាយការណ៍សម្រាប់ប្រគល់ជូនទៅក្រសួងអប់រំយុវជននិងកីឡានិងក្រសួងទេសចរណ៍។
លទ្ធផល
ចំណេះដឹងនេះត្រូវបានគេប្រើដើម្បីបង្កើតរបាយការណ៍ស្តីពីមតិសាធារណៈនិងឥរិយាបទសាធារណៈនៅក្នុងព្រឹត្តិការណ៍វិមានឈ្នះឈ្នះ។
ការសិក្សាផ្អែកលើគម្រោងសម្រាប់និស្សិតវ័យក្មេងកម្ពុជាចំនួន ៣០ នាក់ក្នុងការស្រាវជ្រាវ
សិក្ខាសាលាបង្រៀនជំនាញទន់សម្រាប់អ្នកស្ម័គ្រចិត្ត
ប្រជាជនកម្ពុជាជាង៣៨៩ នាក់ត្រូវបានណែនាំឱ្យយល់ដឹងអំពីការគ្រប់គ្រងសំរាមជាលើកដំបូងនៅក្នុងពិធីបុណ្យ ៣ ថ្ងៃដែលដឹកនាំដោយនិស្សិតខ្មែរ ៣០ នាក់
ឥទ្ធិពលនៃគោលនយោបាយគ្រប់គ្រងសំរាមដែលផ្តល់យោបល់សម្រាប់ក្រសួងបរិស្ថាន ក្រសួងអប់រំយុវជននិងកីឡា និងក្រសួងទេសចរណ៍។ អ្នកអាចមើលរបាយការណ៍និស្សិតនៅទីនេះ។
ចំណុចគួរចងចាំ
កម្មវិធីទំនួលខុសត្រូវសង្គមត្រូវបានគេមើលឃើញថាជាកម្មវិធីមួយដែលអង្គភាពជាច្រើគួរតែធ្វើបន្ទាប់ពីការអនុលោមតាមច្បាប់ឬការធ្វើទំនាក់ទំនងសង្គមដែលល្អ។ កម្មវិធីទំនួលខុសត្រូវសង្គមគឺពិតជាចាំបាច់សម្រាប់ក្រុមហ៊ុនដើម្បីដាក់ធនធានដែលរកបានយ៉ាងលំបាករបស់ពួកគេទៅក្នុងយុទ្ធនាការដែលមានប្រសិទ្ធិភាពជាងមុនហើយនេះចាប់ផ្តើមពីការបង្ហាញយ៉ាងច្បាស់លាស់នូវផលប៉ះពាល់និងការវាស់វែងនៃសកម្មភាព។
ទោះបីជាមានបញ្ហាប្រឈមខាងការរៀបចំនិងបង្កើតម៉ាកយីហោទាំងនេះក៏ដោយ នៅពេលដែលក្រុមហ៊ុនមើលឃើញពីតម្លៃនៃភាពជាដៃគូជាមួយរដ្ឋាភិបាលនិងការវិនិយោគនៅក្នុង STEM អ្វីៗអាចផ្លាស់ប្តូរទៅក្នុងទិសដៅវិជ្ជមាន ដែលអាចមានន័យថាអនាគតកាន់តែភ្លឺស្វាងសម្រាប់ប្រជាជនកម្ពុជាគ្រប់រូប។