ការគ្រប់គ្រងវិបត្តិសម្រាប់អាជីវកម្មខ្នាតតូចនិងមធ្យមកំឡុងពេលជំងឺCOVID-19 - ប្លុក ១ "លំហូរសាច់ប្រាក់"

តើម្ចាស់អាជីវកម្មខ្នាតតូចនិងមធ្យមគួរធ្វើអ្វីខ្លះដើម្បីកាត់បន្ថយផលប៉ះពាល់នៃជំងឺកូវីត ១៩?

វាជាពេលវេលាដ៏លំបាកមួយសម្រាប់អាជីវកម្មខ្នាតតូចនិងមធ្យមនៅក្នុងប្រទេសដែលរងផលប៉ះពាល់ដោយជំងឺកូវីត ១៩ ដោយភាពមិនប្រាកដប្រជាជាច្រើនបានកើតឡើងពីការផ្ទុកព័ត៌មានហួសប្រមាណ ព័ត៌មានក្លែងក្លាយការប៉ាន់ស្មានរាប់មិនអស់ និងការបិទប្រទេសរបស់រដ្ឋាភិបាលបង្កើតផលប៉ះពាល់លើគ្រប់វិស័យដល់មនុស្សគ្រប់គ្នា។

សំណួរសួរថា “តើអ្នកជាម្ចាស់អាជីវកម្មគួររៀបចំខ្លួនយ៉ាងណា?”

ប្លុកនេះនឹងបង្លាញពីច្បាប់មួយចំនួនដើម្បីអនុវត្តតាមពេលមានវិបត្តិបន្ទាប់មកជំហានជាក់លាក់ដើម្បីការពារសុខភាពហិរញ្ញវត្ថុ ក្រុមការងារ និងកេរ្តិ៍ឈ្មោះរបស់អ្នក។

យើងនឹងរៀបចំប្លុកនេះជាមួយពាក្យល្បីរបស់ Jack Welch លើរឿង ៣ ដែលអ្នកគ្រប់គ្រងត្រូវផ្តោតលើ៖

១) លំហូរសាច់ប្រាក់

២) ការពេញចិត្តរបស់បុគ្គលិក

៣) ការពេញចិត្តរបស់អតិថិជន

លំហូរសាច់ប្រាក់

ប្រសិនបើអ្នកមិនបានមើលឃើញពីសាច់ប្រាក់របស់អ្នកទេពេលនេះគឺជាពេលវេលាដ៏ល្អដើម្បីចាប់ផ្តើម! ប្រសិនបើអ្នកស្ថិតនៅក្នុងការលក់រាយ ឬអាហារ អ្នកប្រហែលជាបានចាប់ផ្តើមឃើញការលក់របស់អ្នកចុះថយ។ ប្លុកនេះផ្តល់ឱ្យអ្នកនូវរឿងពីរដែលត្រូវធ្វើ៖

១) រក្សាទុកខ្សែខាងលើ (ចំណូល)៖ 

ដូចជាការចាប់ផ្តើមធ្វើការដឹកទំនិញ ពាណិជ្ជកម្មអេឡិចត្រូនិច និងសកម្មភាពផ្សេងទៀតដែលជួយអ្នកលក់កាន់តែច្រើនដល់មនុស្សដូចមុន ឬលក់សេវាកម្ម / ផលិតផលដូចគ្នាទៅមនុស្សផ្សេងទៀត។

២) បន្ថយខ្សែខាងក្រោម (ចំណាយ)៖ 

ការកាត់បន្ថយប្រាក់ឈ្នួល ចរចាជាមួយអ្នកផ្គត់ផ្គង់ និងម្ចាស់ដីរបស់អ្នកជាដើម។

គ្មាននរណាម្នាក់ដឹងច្បាស់ថានៅពេលណាការហាមឃាត់ និងការបិទប្រទេសនឹងត្រូវបានដកវិញ ហើយនៅពេលណាអាជីវកម្មចាប់ផ្តើមមានលក្ខណៈធម្មតាវិញដូច្នេះវិធានការណ៍ប្រុងប្រយ័ត្នគឺត្រូវធានាប្រាក់បំរុងគ្រប់គ្រាន់សម្រាប់ ១ ត្រីមាស (៣ ខែ) សម្រាប់រាល់ការចំណាយរបស់អ្នកហើយប្រសិនបើមិនអាចធ្វើទៅបានទេដូច្នេះត្រូវធានា លំហូរសាច់ប្រាក់របស់អ្នកអាចគ្របដណ្តប់រាល់ការចំណាយសំខាន់ៗរបស់អ្នកក្នុងរយៈពេល ៣ ខែបន្ទាប់។ (នេះមានន័យថាបុគ្គលិករបស់អ្នក!)

ហើយត្រូវត្រៀមខ្លួនសម្រាប់ពេលដែលប្រាក់ចំណូលរបស់អ្នកធ្លាក់ចុះរហូតដល់ ៧៥% ឬច្រើនជាងនេះ។ នេះមានន័យថាការសន្ទនាដ៏លំបាកជាច្រើនជាមួយអ្នកផ្គត់ផ្គង់និងការចរចាជាមួយអតិថិជនរបស់អ្នកនឹងត្រូវធ្វើឡើង ដែលនាំយើងទៅរកការចំណាយខ្ពស់បំផុតមួយនៅក្នុងអាជីវកម្មរបស់អ្នក និងក្រុមរបស់អ្នក។